Jacobs: un campion olimpic a Bibione

Sabide ai 22 il campion olimpic Marcell Jacobs al sarà a Bibione par “Coloriamoci di Sport – Memorial Day Loredana Piazza”, la zornade dedicade ai zovins e al sport, organizade dal Comun di Sant Michêl al Tiliment. Il pluripremiât campion olimpic al cjatarà i zovins dal teritori in ocasion dal avigniment pensât de aministrazion comunâl par sburtâ fruts e fantats ae pratiche sportive e aes realtâts dal teritori. Di matine al cjatarà i zovins arlêfs des scuelis primariis e i lôr insegnants, puartant lôr une preziose testemoneance direte. Po dopo, Jacobs al premiarà i partecipants aes garis sprint dal campionât talian di Footbike. (A.I.) – 17.10.2022