E sarà ancje Tara Dragaš a rapresentâ la Italie inte World Cup di gjinastiche ritmiche, in program a Sofie (Bulgarie) dai 31 di Març ai 2 di Avrîl. Pe piçule stele di sedis agns de Associazione sportiva udinese e sarà la prime volte su la pedane di une Cope dal Mont e la emozion e je tante: «O soi propit contente – e à comentât – e o speri di no deludi la fiducie che mi àn dât». Chê di Tara inte capitâl bulgare no je però la prime esperience internazionâl: a Jugn 2022, al so debut ai Europeans juniores di Tel Aviv, e à concuistât l’arint ae curdele e e je rivade ae cuarte posizion al cercli, rivant scuasi al bronç; cualchi setemane prime e veve vinçût ben trê aurs ai Comegym, i zûcs dal Mediterani pe categorie junior. (A.I.) – 27.03.2023
(Foto di Fabrizio Carabelli)
