La campionesse Kostner e torne tal palaç dal sport di Claut

La campionesse di patinaç Karolina Kostner e je daûr a preparâsi par un bon acet sabide ai 17 a Claut. Ancje chest an, di fat, i biliets pal show “DolomiaOn Ice”, là che e sarà protagoniste, a son cuasi ducj finîts. Fûr de piste al sarà cualchi ospit di ecezion, intant che in piste a saran i campions europeans di cubie Lucrezia Beccari e Matteo Guarise, l’ex campion canadês Gary Beacom, la dôs voltis campionesse taliane junior (e bronç european) Lucrezia Gennaro e il campion talian in cjarie Nikolaj Memola. Part dal rigjâf de serade, condote di Daniele Micheluz di Telefriuli, e sarà destinade ae Aree Zovins dal Cro di Davian. (A.I.) – 15.02.2024