La UEB Gesteco Cividât e à vinçût la finâl meretant la promozion in A2. Al è il trionf di Davide Micalich. La idee nassude in plen periodi Covid, traviers l’assessor al sport di Cividât Beppe Ruolo, e à puartât la comunitât e il teritori a celebrâ la promozion jemplant il palaçut di via Perusini cun 2.738 apassionâts che a àn sburtât il cjapitani Chiera e i compagns viers il plan parsore.
Inte ultime e decisive partide dai play-off di serie B tra UEB Gesteco e Vigevano no je storie tant che si è sierade 82-63. E je partide dome intal prin cuart de sfide.Gabri Miani al fâs di fat il vueit cun 13 ponts e al sgjave un prin canâl (24-17). Dopo, intal secont periodi, a vierzin il fûc il Mvp dal campionât Eugenio Rota e (forsit) chel de serie di finâl, Daniel Ohenhen. La UEB Gesteco e scomence a slungjâ. Break di 9-0 pal 33-19 al 14′. A passin i minûts. Vigevano al à cualchi salt di braùre, rivant sul 75-56 al 35′. Daspò e sune la sirene finâl. E e partìs la fieste des Eagles. (A.D.G.) – 22.06.2022
