La nazionâl di rugby par trê agns tal stadi di Udin

Federugby e Udinese Calcio adun fint al 2026. Cuindis agns dopo vê sfidât i campions dal mont in cjarie – i Springboks – sul prât di chel che alore al jere il “Stadi Friuli”, la Nazionâl taliane di rugby e tornarà sul cjamp dal rinovât Bluenergy Stadium di Udin une volte ad an par trê agns, dopo l’acuardi sotscrit tra la Federazion taliane di rugby e la societât Udinese Calcio. La Italie di Gonzalo Quesada e screarà l’apontament internazionâl dal Novembar dal 2024 propit tal Bluenergy Stadium, ospitant la Argjentine inte prime zornade des “Autumn Nations Series” 2024, in calendari sabide ai 9 di Novembar. (A.I.) – 25.06.2024