Ancje chel si zuie in Gjermanie, al confin cu la Danimarcje, ma par cumò al à dât une biele sodisfazion ai tifôs furlans. La Europeada, il campionât european di balon des minorancis linguistichis, che al viôt pe prime volte partecipâ ancje la selezion furlane (e chê dai slovens in Italie, intal stes ziron), e à viodût la nestre scuadre, fate di zuiadôrs di cualitât dai campionâts “minôrs”, de Ecelence ae serie D, vinci la sô prime partide. Il derby, zuiât a Flensburg, al è stât vinçût par 4-2 de scuadre alenade di Mauro Lizzi, dopo che i slovens a vevin sierât il prin timp in vantaç di doi gol. La seconde partide si zuie lunis al prin di Lui, aes 5.30 dopomisdì, cuintri la scuadre dai ongjarês di Romanie. (A.I.) – 01.07.2024
La scuadre di balon dal Friûl e à vinçût l’esordi european
68