La torce olimpiche e je a Sapade

Martars ai 27 aes 5.30 dopomisdì, la flame olimpiche di Eyof 2023 e rive a Sapade. In place Palù la cerimonie di impiament de fughere, simbul iconic di pâs e dai valôrs sportîfs de 16e edizion dal Festival olimpic de zoventût europeane su nêf e glace, in presince di istituzions locâls, i rapresentants dal moviment sportîf dal teritori e grancj campions dai sports invernâi. A Sapade, ream dal schi nordic, si fasaran dutis lis garis di fonts cun centenârs di atletis zovins che a rivaran di 47 paîs. A Eyof 2023 si spietin 2.300 partecipantis dai 14 ai 18 agns: 1.300 i atletis in gare intes 109 competizions sportivis in calendari dal 21 ai 28 di Zenâr in 12 localitâts tra Friûl Vignesie Julie, Austrie (Spittal) e Slovenie (Planica). (A.I.) – 27.12.2022