Lignan capitâl dal nadâ paraolimpic

Passe 340 iscrits e 55 nazions par cuatri zornadis di garis dai 14 ai 17 di Març a Lignan, che pe seste volte e da acet ae tape taliane des Citi Para Swimming World Series, inte pissine olimpioniche dal Villaggio Bella Italia & Efa. Un apontament nassût pe iniziative de FINP – la Federazion taliane di nadâ paraolimpic, che chest an e à puartât a une incressite de partecipazion internazionâl. La Italie si presentarà cun 68 atletis, i Stâts Unîts cun 21. Tal stes moment, a Lignan a saran ancje i Campionâts talians dal Invier di nadâ paraolimpic, cun 209 atletis a rapresentâ 67 societâts, puartant il numar totâl a cuasi 600 partecipants. (A.I.) – 13.03.2024