149
L’Udin al à za un gnûf zuiadôr pal campionât che al ven. La societât e à anunziât in forme uficiâl l’ingai dal difensôr Jordan Zemura, che al rinfuarçarà la scuadre blancje e nere tacant de stagjon sportive 2023/2024 e al à firmât un contrat di cuatri agns, fin ai 30 di Jugn dal 2027. Zemura, che al zuie tal Bournemouth, tal campionât inglês in Premiere League, al è un laterâl çamp bon sedi par une difese a cuatri che di cuint tal mieç dal cjamp, in graciis di cualitâts tecnichis e velocitât. In pratiche, l’erêt di Destiny Udogie, za vendût al Tottenham. Tra i protagoniscj de promozion dal Bournemouth, al à segnât trê goi in 33 partidis in Championship e al à ancje sîs presincis cu la nazionâl dal Zimbabwe. (A.I.) – 13.04.2023
