L’Udin al torne dal ritîr in Austrie. Cence Samardzic?

Dopo la partide pierdude cuintri la Union Berlin, l‘Udin al è tornât in Friûl dal ritîr di Bad Kleinkirchheim. Domenie di matine al Bruseschi, i zuiadôrs a àn fat une session di rinfrescjament prime dai doi dîs di polse concedûts di Sottil. La scuadre e tacarà i alenaments di gnûf a Udin miercus dopomisdì e doi dîs daspò, al stadi Friuli, e zuiarà une altre amichevule cu la scuadre dal Al Rayyan. Par cumò no si sa se Samardzic al sarà ancjemò in blanc e neri, viodût che la cession al Inter e somearès za fate. Problemis fisics di valutâ, invezit, pal portîr Silvestri, che al à saltât la ultime partide, par Bijol, che al à za tacât a lavorâ, e par Domingos Quina. (A.I.) – 31.07.2023