Maratone in bici su lis Dolomitis furlanis

Al sarà ancje un non di lustri te “Marathon” des Dolomitis furlanis che domenie ai 25 e assegnarà i titui regjonâi de specialitât. Ai organizadôrs de Polisportive Claut e de Cellina Bike a continuin a rivâ domandis ancje de bande des grandis scuadris. Si che duncje a saran tancj atletis di nivel, cjapant dentri Ramon Vantaggiato e Beatrice Fontana, i vincidôrs dal an passât, pronts a difindi il titul inte gare che si corarà sui trois des Dolomitis furlanis, traviers un percors straordenari, unic intal so gjenar. I iscrits a son rivâts za a cuote dusinte e si spietin tancj di plui intes ultimis oris a disposizion pes iscrizions. Il percors principâl al è di 60 km, par un disnivel di 1.973 metris. L’apontament al è li dal Stadi de Glace dal Cjanâl de Ciline cu la partence aes 9:15 di buinore pal percors lunc e aes 9:30 par chel medi. (A.I.) – 23.08.2024