Marino al lasse Udin pe seconde volte

Pierpaolo Marino al lasse l’Udin. Al Diretôr de aree tecniche blancje e nere, tornât a Udin intal Jugn dal 2019, dopo un passât di voli dret de famee Pozzo dal 1999 al 2004, nol sarà rinovât il contrat che al scjât ai 30 di Jugn. La societât e à volût meti dut neri su blanc dopo zornadis di ipotesis: “Al tiermin de stagjon sportive 2022/2023, Udinese Calcio e Pierpaolo Marino no laran indevant insiemi”. Par ce che al rivuarde il sostitût dal om che intai ultins cuatri agns al à scuviert diviers talents pal Udin, di cualchi zornade al zire il non di Federico Balzaretti, ex zuiadôr e intai ultins doi agns Diretôr tecnic a Vicence. (A.I.) – 20.06.2023