Medaie di aur intal solevament pês pal pordenonês Zanni

Mirko Zanni al à vinçût la medaie di aur inte specialitât a tirade ai campionâts europeans di solevament pês. Inte rassegne che si davuelç a Yerevan, in Armenie, il campion cressût inte Pesistica Pordenone, za medaie di bronç olimpiche a Tokyo 2021, al à otignût un risultât che si zonte al cuint puest intal slanç e al bronç totâl, e che i vâl il setim puest mondiâl inte categorie dai -73 chilos. A vuê, viodût che aes Olimpiadis di Parîs 2024 a lararan i miôr 10 di ogni categorie, l’atlete di Cordenons nassût intal 1997 al sarès bielzà cualificât. Vinars ai 21, aes 6 dopomisdì ore taliane, al sarà in gare un altri pordenonês, Cristiano Ficco (classe 2001), che al pontarà a sô volte a un risultât di lustri. (A.I.) – 19.04.2023