Meeting di atletiche cun campions a Lignan di 35 agns

A son passe 120 i atletis in rapresentance di plui di trente Paîs dal mont che a rivaran pal trentesim cuint Meeting internazionâl di atletiche lizere “Sport e Solidarietà”, in program domenie ai 14 tal stadi “Teghil” di Lignan. L’avigniment principâl de atletiche intal Istât dal Nord Est, inmaneât come simpri de Nuova Atletica dal Friuli dal president Giorgio Dannisi e dal diretôr sportîf Stefano Scaini, e je une manifestazion di grant nivel tecnic, che intal 2023 si è classificade al cuarantesim setim puest tal mont suntun totâl di ben 992 rassegnis di atletiche! Intes diviersis specialitâts a son tancj i atletis famôs che a àn confermât la lôr presince a Lignan: compagn dai ultins vincj agns, e tornarà la Nazionâl gjamaicane, di cjase a Pinede, cui siei campions Shericka Williams e Kishane Thompson, pronts po dopo a svolâ a Parîs pes Olimpiadis, intune cun Luke Bezzina, Candace Hill, Ama Pipi, Alexandra Bell, Sophie O’Sullivan, James Preston e tancj altris. (A.I.) – 10.07.2024