Mieze maratone: dut pront a Palme pe gare

Domenie ai 26 a Palme al torne l’apontament cu la mieze maratone sui tradizionâi 21,097 chilometris, che e partirà e e rivarà in Place Grande, cûr storic de citât che e je Patrimoni mondiâl de umanitât de Unesco. A mancul di une setemane dal avigniment, rivât ae vincjesime prime edizion, lis iscrizions (viertis fint a joibe ai 23) a àn passât za cuote 1.500, cun atletis che a rivaran di diviersis regjons talianis e dal forest. Une conferme impuartante par un apontament che di agns e je la mieze maratone plui partecipade dal Friûl-Vignesie Julie e e à cjatât un puest tra lis vincj garis talianis sui 21 km plui impuartantis dal 2022. Il percors di gare, plan e svelt, al sarà il stes dal 2022, ma cul sens di marcje invertît. (A.I.) – 20.11.2023