E je une corse di 45,2 chilometris cun 1.780 metris di disnivel, intal cûr de salvadie val Tramontine. Il “Three Lakes Trail”, partît domenie di matine aes 8 in pont, cuant che il soreli al jere scuindût ancjemò des monts, al à puartât i concorints in lûcs insolits, tra lâts, pocis, torints, galariis e cimis. I vincidôrs a son stâts Matteo Paladin, 29 agns, fisioterapist di rivis Darcjan, e Cristine Chieu di Pinçan al Tiliment. Il prin al è rivât sul travuart di Tramonç di Sot, dopo une gare in solitarie dal prin al ultin metri, dopo 4 oris, 15 minûts 18 seconts, tignint a distance Marco Mazzoli a 7’14”. La gare e je stade ancje la ocasion par sistemâ e netâ tancj dai trois de val Tramontine, che a podaran jessi doprâts ancje dopo l’event sportîf: par fâ alenament o ancje dome par une cjaminade. (A.I.) – 12.09.2022
Netade la val Tramontine in graciis di une corse
168