Pafundi al incjante Udin cu la scuadre “Under 19”

Al è tornât a Udin tant che titulâr de nazionâl taliane “Under 19” e al à segnât pe prime volte in chel che al è stât il “so” stadi. Simone Pafundi, il zuiadôr che daûr di tancj al è (o al deventarà) un dai plui grancj talents dal balon talian, si è metût in mostre inte gare cuintri la selezion de Republiche Ceche, sierade cuntun gol e un assist. Il numar “10”, nassût a Monfalcon tal 2006, mandât in prestit dal Udin al Losanna, in Svuizare, al à incjantât ducj e cu la sô prestazion al à metût une ipoteche pal campionât european che al ven. (A.I.) – 25.03.2024