Pôcs bêçs, pôcs afârs: l’Udin dopo il marcjât di Zenâr

“No son bêçs” e je stade la frase dal marcjât di Zenâr dal balon talian, che une volte al servive “par comedâ”. Intant che in Ingletiere a àn spindût 120 milions dome par un zuiadôr, in serie A lis grandis scuadris a àn fat pôc o nuie, fale cualchi afâr a bon presit. E l’Udin? Dopo vê mandât indaûr une ufierte di 25 milions par Beto tal ultin, i numars a son: trê zuiadôrs vendûts, trê comprâts. Però a zuiâ al sarà dome Florian Thauvin, francês ex atacant dal Marsilie e campion dal Mont, che al cjaparà il puest dal infortunât Gerard Deulofeu. Il zovin Sekou Diawara, rivât dal Genk, al varà di ambientâsi inte scuadre “Primavera” e il brasilian Matheus Martins al è stât zirât daurman al Watford. A lâ vie pardabon a son stâts invezit il difensôr Nuytinck (ae Sampdoria), il centricjampist Jajalo (in C al Vignesie) e Jean Viktor Makengo, che al à sielt di tornâ in France. (A.I.) – 01.02.2023