Il Tribunâl di Pordenon al à concedût al Pordenone Calcio doi mês di timp inte procedure inviade dopo la domande di faliment de societât de bande de Procure de Republiche.
Il stes Tribunâl al à nomenât comissari judiziâl il professionist venezian Gianluca Vidal.
La decision e je stade cjapade inte cjamare di consei là che e je stade esaminade la domande de societât sportive di amission a une des proceduris di regolazion de crisi di imprese e de no solvibilitât.
“Cjapât at che e risulte in spiete domande pe viertidure de licuidazion judiziâl – al à fat savê il Tribunâl cuntun comunicât – al è stât fissât il tiermin di 60 dîs pai fins dal dipuesit, par cure de societât debitore, de propueste di concuardât preventîf cul plan, la atestazion di veretât dai dâts e di fatibilitât”, o “la domande di omologazion dai acuardis di ristruturazion dai debits”, o “la domande di omologazion dal plan di ristruturazion dal articul 64-bis”. (A.D.G.) – 22.06.2023
