Pozzo, un manager ‘di ecelence’

Il paron dal Udin, Gianpaolo Pozzo, al à vût une des cuatri “Targhis de ecelence” te edizion 2024 de Premiazion de economie e dal disvilup, inmaneade de Cjamare di Cumierç di Pordenon–Udin. Pozzo al è stât premiât, intune cu la Rêt Nuova Alpe Adria, Luigi De Puppi e il Comitât di S. Florean, pe impostazion diretive che al à doprât intal sport, tal so câs il balon. Cjapant la targhe e daspò di vê contât in struc i cuasi cuarante agns passâts ae vuide dal Udin, Pozzo al à dit a clâr ancje di sperâ di otignî risultâts simpri miôr pe scuadre, pontant – dopo cetancj agns – di gnûf a lâ in Europe, racueint cussì il batiman di dute la sale. (A.I.) – 19.11.2024