Prime volte in Nazionâl par l’udinês Vicario

Prime partide zuiade cu la Nazionâl par Guglielmo Vicario, il portîr di Udin cressût inte scuadre blancje e nere e vuê cui inglês dal Tottenham. L’alenadôr Spalletti lu à sielt al puest di un altri furlan, Meret, pe seconde partide amichevule in Americhe, chê vinçude cuintri l’Ecuador par 2-0 tal stadi di Harrison, intal New Jersey. Il so debut al è stât cuasi cence fastidis, stant che i sudamericans a àn tirât a vonde pôc in puarte. Nuie ce fâ, invezit, pal atacant Lucca, titulâr dal Udin, che al è tornât a cjase prime di chei altris par vie di un infortuni. (A.I.) – 25.03.2024