Rugby su la nêf: i vincidôrs a son furlans

I furlans “Giona’s Beach Brothers” a concuistin il torneu di Snow Rugby, il rugby su la nêf, a Tarvis: la manifestazion di rugby a cinc su la nêf plui grande di Europe, che su la piste Di Prampero a Cjamparòs e à dât acet a 40 scuadris tra i torneus masculin, feminin, juniores, old e inclusîf. La scuadre a invîts cuntun cûr furlan e à vinçût dutis lis garis, segnant 62 metis, metint in mostre un zûc concret e spetacolâr. Il president dal grup, Giona Toffoletti, al à dit che al è “braurôs dal grup par un grant risultât inspietât. Cumò o vin di continuâ su cheste strade, spietant i torneus estîfs”. (A.I.) – 17.01.2024