Salt adalt: ve chi i campions che a rivin a Udin

Si scjalde la pedane di “UdinJump 2024” che, a pôcs agns de sô nassite, e je za inte élite mondiâl dai incuintris di atletiche. La gnove edizion dal meeting di salt adalt, che si fasarà ai 6 di Fevrâr li dal palaIndoor “Ovidio Bernes” di Udin, a Padier, al è dentri dal circuit dai avigniments mondiâi principâi che si davuelzin al cuviert. Tra i nons plui impuartants che a àn garantît za la presince ae rassegne, ideade e promovude dal defont campion Alessandro Talotti, i ucrains Andrij Procenko e Yaroslava Mahuchykh, il bronç mondiâl Eleva Vallortigara e Alessia Trost, che e tornarà a saltâ devant dai siei tifôs. (A.I.) – 11.01.2024