Sapade in fieste pe sô campionesse

Grande fieste a Sapade, dute plene di bandieris tricolôrs, pe sô campionesse Lisa Vittozzi, che ai Mondiâi di Nove Mesto inte Republiche Ceche e à otignût ben cuatri medaiis: une di aur e trê di arint. Centenârs i tifôs che a àn saludât la campionesse, prime cun bandieris, trombis e fumogjens e po dopo cuntune ovazion che e à comovût Lisa. Tantis lis personalitâts intervignudis ae fieste: il vicepresident dal Consei regjonâl, Stefano Mazzolini, i campions dal schi Silvio Fauner e Pietro Piller Cottrer e il sindic di Sapade, Manuel Piller Hoffer, che al aministre il paîs de Italie cun plui medaiis su la nêf. (A.I.) – 20.02.2024