Udin cui oms contâts in atac

Brutis gnovis pal Udin daspò il 3-0 cuintri la Cremonese, che si è sierât cul infortuni di doi zuiadôrs impuartants. Dopo vê pierdût za dal principi dal an Deulofeu, cumò Sottil al riscjie di restâ cui oms contâts in atac, viodût che Isaac Success, lât fûr al 42′ dal prin timp domenie passade, dopo vê segnât il prin gol di chest campionât, par colpe di un probleme muscolâr, che al sarès une lesion al ret femorâl de cuesse diestre. Par viodilu di gnûf in cjamp, a coventaran trê o cuatri setemanis: al vûl dî che il nigjerian al varès di tornâ a zuiâ pai 4 di Jugn, pe partide finâl dal torneu. Di verificâ ancjemò la situazion di Simone Pafundi, che inte stesse partide al à vût un traume fuart ae spale diestre e al è in dubi pe trasfierte di Lecce. (A.I.) – 26.04.2023