Udin cul ‘mâl di pate’, ma 40 agns indaûr…

Il record al è ancjemò lontan, parcè che lis 11 patis dal Udin in chest campionât no si puedin paragonâ cu lis 18 dal Inter intal campionât 2004-05 e dal Empoli dîs agns dopo. Dopo la vitorie propit in Toscane (la seconde in 18 zornadis!) sabide passade, la scuadre di Sottil e à di cirî di cancelâ un altri piçul record no assolût, viodût che no vinç plui al stadi Friuli/Dacia Arena dai 18 di Setembar! Sabide ai 18, di sere, e rive chê altre scuadre di Milan, che e à 13 ponts in plui dal Udin, batude cence masse fadie inte prime zornade dal campionât, prime de Madone di Avost. E forsit la vitorie e je, par cumò, fûr puartade. No je però la prime volte che l’Udin al sofrìs di ‘mâl di pate’: cuarante agns indaûr, intal 1982-83, alenade di Enzo Ferrari, lis patis a forin fintremai 20 su 30 partidis. Stant che lis scuadris di A a jerin dome 16, e la vitorie e contave doi ponts, ae fin lis sîs vitoriis a son bastadis par rivâ al sest puest, a pene a trê ponts de cualificazion in Cope Uefa. Al è dificil che la storie e torni compagne pe seconde volte, però ancje chel an la seconde maiute e jere zale! L’an dopo, però, al rivà Zico… (A.I.) – 14.03.2023