Udin prin in classifiche: nol sucedeve di agnorums

Siet ponts intes primis trê partidis e l’Udin si cjate daspò di cetancj agns al prin puest in classifiche, ancje se intune cun Inter, Juve e Turin. La vitorie in cjase cul Como, rivade dopo une partide di fadie e cuntun tic di fortune, ven a stâi il rigôr sbaliât dai lombarts al nonantesim cuint minût dal secont timp, e permet ae scuadre alenade di Runjaic di passâ za il record dal an passât. Un record puar, viodût che i blancs e neris a vevin vinçût une sole partide in cjase in dut il campionât e cumò a son za dôs, daspò di chê di vot dîs za fa cu la Lazio. Par dôs setemanis, l’Udin al sarà simpri prin, parcè che cumò i campionâts si fermin pes partidis des nazionâls (vot i blancs e neris impegnâts cu lis lôr selezions). Po dopo, si torne a tacâ lunis ai 16 di Setembar in cjase dal Parma. (A.I.) – 02.09.2024