Udin prin in classifiche, di bessôi dopo 13 agns: nol sucedeve dai timps di Guidolin e Di Natale! Dopo la tierce partide vinçude su lis primis cuatri, in rimonte a Parma, ducj cumò a fevelin dal alenadôr Runjaic, che Gino Pozzo al è lât a cjatâ in Polonie, e dai zuiadôrs che dome trê mês indaûr… a vevin riscjât la serie B. Cuasi chei stes, ma cun dute une altre ande in cjamp! Il dì dopo la gjonde, la societât e à profitât di un lûc impuartant, la setemane de mode a Milan, par presentâ in forme uficiâl la tierce maiute, tal segn di balon, mode e sostignibilitât. Compagn dal an passât, ancje cheste volte la maiute eco sostignibile in materiâl riciclât firmade de Macron e je stade fate in colaborazion cun Camera Moda Fashion Trust, de zovine stiliste Flora Rabitti cul so brand Florania. Il colôr al è gnûf e nol è mai stât doprât prime a Udin: viole glicine, cuntune grafiche ispirade al soreli di Udin in place Libertât. (A.I.) – 17.09.2024
15
