Udin pront a tacâ, ma a son problemis cu la stampe sportive

Primis partidis amichevulis pal Udin, che cun lunis al è in Austrie, a Lienz, dulà che miercus ai 13 al zuiarà cuintri il Rapid Lienz e daspò doi dîs cuintri la Union Berlin, simpri al Dolomitenstadion. Pôc ‘amichevul’, invezit, il rapuart cul mont de informazion, viodût che la USSI (Union sportive stampe taliane) intun comunicât e à denunziât il fat che il club al pretindi la esclusive di dut ce che al rivuarde la scuadre dome al canâl uficiâl Tv. La novitât e jere stade comunicade in ocasion de presentazion di mister Andrea Sottil, intervistât in esclusive intai studis de tv uficiâl impen che inte sale stampe dal stadi, come che al sucedeve timp indaûr. (A.I.) – 12.07.2022