“UdinJump”, ve i campions dal salt adalt

Al è dut pront, li dal palaIndoor “Ovidio Bernes” di Padier, par “UdinJump 2024”, il meeting di salt adalt jentrât intal circuit “World Athletics Indoor Tour” che al met dongje i principâi avigniments mondiâi al cuviert. La rassegne, volude dal campion furlan Alessandro Talotti, muart masse adore intal 2021, si fasarà martars ai 6 di Fevrâr cun campions dal nivel di Andrij Procenko, simpri presint intes ultimis stagjons a Udin, vincidôr de edizion 2021 e un dai principâi protagoniscj de sene. In Friûl ancje Elena Vallortigara, bronç mondiâl intal 2022 a Eugene, e la campionesse ucraine Jaroslava Mahuchykh. In mieç al public al sarà ancjemò une volte il mitic campion cuban Javier Sotomayor, un dai atletis che a àn passât i 2,4 metris. (A.I.) – 05.02.2024