Un portîr furlan promovût cu la scuadre di Re Carlo

A dome 20 agns, il zuiadôr Denis Franchi, nassût a S. Vît dal Tiliment, al svante za une esperience trienâl in France al Paris Saint Germain e, cumò, un titul di campion di Championship, la serie B inglese. Il titul al è stât celebrât lunis cul Burnley, la scuadre che al è tifôs ancje re Carli Tierç, inte ultime zornade stagjonâl, cu la vitorie par 3-0 sul Cardiff, che e à puartât a ben 101 i ponts concuistâts in chest campionât, dîs in plui dal Sheffield United e 38 in plui dal Watford, la scuadre de famee Pozzo. Il portîr furlan al zuiarà ancje il campionât che al ven in Ingletiere, in Premier League: al à firmât un contrat trienâl. (A.I.) – 09.05.2023