Vitorie storiche par une atlete de nestre regjon. Dopo l’arint intal inseguiment ai Mondiâi di biathlon, Lisa Vittozzi e à concuistât martars dopomisdì a Nove Mesto in Republiche Ceche la medaie di aur inte prove individuâl cuntune gare straordenarie. La atlete di Sapade e je rivade a vinci cundut de partence problematiche, dulà che e à pierdût plui di 15 seconts intal prin poligon par un probleme ae carabine, che si jere incugnade. La sô gare e je stade perfete, cun zero erôrs al poligon (20 su 20) e un distac di passe vincj seconts su la seconde, la todescje Hettich-Walz. Par Lisa Vittozzi chest al è il prin aur mondiâl individuâl, il secont dopo la stafete di Oberhof tal 2023: e je deventade cussì la seconde taliane a concuistâ il titul in chest gjenar di gare. (A.I.) – 14.02.2024
104
