Une parade di stelis dal sport a Padier

Une parade autentiche di stelis dal sport talian e internazionâl a son anunziadis a UdinJump Development 2023, la cunvigne di salt adalt, in program joibe ai 9 di Fevrâr, al palaIndoor “Ovidio Bernes” di Padier, a Udin. A cjalâ i atletis in pedane, tant che la campionesse dal mont Eleanor Patterson e la campionesse taliane Elena Vallortigara, personaçs che a àn fat la storie dal sport. Par esempli, il cuban Javier Sotomayor, grant amì di Alessandro Talotti, ma ancje Manuela Di Centa, Gabriella Dorio, Giuseppe Gibilisco e Andrea Lucchetta. Ducj a Udin par onorâ UdinJump Development e il ricuart di Talotti, par bati lis mans ai saltadôrs, cjatâ i tifôs e i students al palaBernes.(A.I.) – 03.02.2023