Une zornade in Cjargne par Enzo Cainero

Davâr, la Comunitât di Mont de Cjargne e dut il mont dal ciclisim e dal sport furlan a dedichin dôs zornadis a un grant amì che al è restât intal cûr di ducj: Enzo Cainero. Sabide ai 21 e domenie ai 22 di Setembar a son in program dôs zornadis di avigniments culturâi e sportîfs, e un lunc moment di agregazion tal segn de promozion dal teritori: chel che propit Enzo Cainero al à cirût di fâ in dutis lis sôs iniziativis spetacolârs e di no podê dismenteâ. La manifestazion e je ideade de Carnia Bike dal president Fabio Forgiarini. Sabide tal centri soci-culturâl di Davâr e larà in sene la proiezion dal docufilm “Enzo Cainero”, de regjiste Antonia Pillosio, prodot de Sede Rai dal Friûl-Vignesie Julie. Domenie al sarà un moment memoreatîf in onôr a Cainero, prime de partence de cicloturistiche “Cjargne Valcjalda Classic”, valide ancje pal campionât regjonâl dai amadôrs FCI dal F-Vj. In plui, a Spin di Davâr, ancje un confront/dibatiment sul teme dal disvilup dal turisim in biciclete in Cjargne. (A.I.) – 20.09.2024