Zâl di trasfierte pai prins blancs e neris di Italie

Udinese Calcio e Macron, soci tecnic de societât furlane, a àn presentât la gnove maiute ‘Away’ che i blancs e neris, tra pôc plui di trê setemanis, si metaran lontan di Udin inte stagjon che e rive, tacant de partide cul Milan ai 13 di Avost. La maie di trasfierte chest an e je zale cun detais neris intors ai ôrs dal cuel a V, su lis spalis e sui ôrs de manie. Il daûr dal cuel de maie, in poliestar al 100% riciclât di PET, e torne a presentâ la scrite “i prins blancs e neris di Italie”. (A.I.) – 26.07.2022