Zecchin e Chieu a vincin la “Maratone dal cîl” in val Tramontine

Marco Zecchin (Atletica Aviano) e Cristina Chieu (Atletica Buja) a concuistin il percors lunc dal Three Lakes Trail, une specie di “maratone dal cîl”: 42,5 chilometris cun 2.000 metris di disnivel positîf intal cûr de splendide e salvadie val Tramontine.

Zecchin, 36 agns, di Davian, al à concludût la sô fadie in 4h23’15”, stacant in maniere nete Yari Boezio (4h48’42”) e Fabio Capuzzo (G.P. Turristi, 4h51’13”). Solitarie corse ancje par Cristina Chieu, pordenonese di Pinçan, tesserade pe Atletica Buja, che e à sierât in 5h30’33”, dopleant il sucès dal 2022. Aes sôs spalis, dutis dôs parsore lis 6 oris di gare, Silvia Carobolonte (6h04’47”) e Irene Chiaradia (6h08’44”). (a.d.g.) – 02.10.23