Zîr ciclistic dal F-Vj: ve chi il vincidôr

Francesco Galimberti al à vinçût la cincuantesime novesime edizion dal Zîr Ciclistic Internazionâl de Regjon Friûl-Vignesie Julie. Al è stât un grant sucès pe manifestazion inmaneade de ASD Libertas Sarsêt, che e à viodût il coridôr lombart de Biesse Carrera precedi inte classifiche gjenerâl Raffaele Mosca e l’olandês Owen Geleijn. Il messican Carlos Garcia al à vinçût la ultime tape, devant dal Cjistiel di San Giusto a Triest. “Al è stât un Zîr pardabon biel – al à dit il vincidôr – cun tapis tant inmagantis. Cuatri dîs pençs, ma jo o stavi pardabon ben e chest sucès mi da fuarce in prevision des ultimis corsis de stagjon”. (A.I.) – 04.09.2023