Zîr di Italie: la seconde tape a Jonathan Milan

Jonathan Milan, il ciclist di Buie, al à vinçût domenie la seconde tape dal Zîr di Italie: la Teramo-San Salvo, di 202 chilometris. Medaie di aur ai Zûcs olimpics di Tokyo 2021 intal inseguiment a scuadris, titul european intal inseguiment individuâl e mondiâl intal inseguiment a scuadris, il zovin campion furlan di 22 agns al à scomençât benon il 2023, vincint in Svuizare il titul european intal inseguiment a scuadris e ancje intal individuâl. La classifiche gjenerâl dal Zîr di Italie, che ae fin dal mês al rivarà in Friûl par une des ultimis tapis, e viôt al prin puest il belghe Remco Evenepoel e po dopo Filippo Ganna. (A.I.) – 08.05.2023