A Butinins la vile dal ‘600 e torne a vierzi al public

E je tornade la biele stagjon e Vile de Claricini Dornpacher si prepare di gnûf a vierzisi al public, domenie ai 2 e ai 16 di Avrîl, par mostrâ la storie e i tancj segrets de cjase dal Sîscent, cjaminant ancje intal zardin ae taliane e intal parc dongje. La vile intal piçul borc di Butinins di Muimans e je stade tirade sù tor de metât dal secul decim setim de famee de Claricini Dornpacher, di Bologne in Friûl za ae fin dal 1200. Dentri a son colezions preseabilis di art. Di là des visitis vuidadis, al è ancje pussibil cerçâ i vins prodots de aziende agricule De Claricini, che e à une oasi biologjiche di passe 150 etars. Acès su prenotazion dal sît www.declaricini.it. (A.I.) – 30.03.2023