A Lignan la fieste pai motârs ‘fûrstrade’

E je nassude tal 2022 par ufrî ai passionâts un event turistic che al mancjave e soredut par dâ ae stagjon dai motôrs une juste sieradure. Daspò dal grant sucès dal an passât cun 50 mil spetatôrs, a Lignan e torne dai 12 ai 15 di Setembar la Italian Bike Week, la rassegne de fin di Istât che e rive daspò di pôcs mês de storiche Biker Fest International. Il cûr de azion e sarà la Off Road Arena, une splanade di 155 mil metris cuadrâts cun diferents circuits bogns par ogni nivel di abilitât. A son previodûts ancje zîrs fûrstrade di 70 a 350 km. Il “Custom Bike Show” invezit al è il ‘mondiâl’ dai costrutôrs di motos personalizadis e la “US Car on the Beach” un grant radun di machinis americanis che a saran in parade te sabide di matine. Par sierâ, domenie ai 15, il spetacul de patulie acrobatiche nazionâl taliane des Frecis tricolôrs. (A.I.) – 11.09.2024