A Valbrune si fevele di ambient e tutele dai ecosistemis

Al torne ancje chest an a Valbrune il festival “vert” dal Friûl-Vignesie Julie “NanoValbruna”, che al darà adun dai 27 di Lui al Prin di Avost sienziâts, imprenditôrs, docents, professioniscj dal setôr cuntune partecipazion tant grande di zovins par fevelâ di ambient e tutele dai ecosistemis. La manifestazion e à tant che teme de edizion 2023 “Cibo agricoltura e sostenibilità”: un argoment ancje al centri dal intervent di une delegazion de Onu. La rassegne e ufrìs un confront sientific concret, di alt nivel, par inviâ progjets di rigjenerazion sostignibile. A son previodudis une vore di ativitâts, tra laboratoris formatîfs e apontaments cun aziendis inovativis, incuintris cun e tra sienziâts, imprenditôrs, ricercjadôrs, manager e students. (A.I.) – 26.07.2023