Al torne cu la sô setime edizion il grant avigniment di pulizie ambientâl, cheste volte, inte Lagune di Maran. Fuarts dal sucès dal 2019 – cun plui o mancul 400 partecipants – e de urgjence che il cambiament climatic al met devant di ducj, i fantats de Associazion Ments Libaris di Lignan a son daûr a preparâ une gnove edizion sorprendente di Cleanin’ March: l’avigniment di pulizie ambientâl rivât, intal 2023, ae sô setime edizion.
Chest an l’apontament si tignarà ai 26 di Març te isule di S. Andree, inte lagune di Maran, lûc za sielt inte seconde edizion de iniziative. Cleanin’ March e sarà la tape conclusive di MigrArt, progjet artistic-culturâl sostignût de Regjon Friûl-Vignesie Julie, in colaborazion cui Comuns di Maran Lagunâr, Lignan e Mortean e di tantis associazions tant che Legambiente, Associazion Altrememorie, Circolo Aarci Çarvignan, Amici dell’Hospitale, l’Isis “Mattei” di Tisane e Cas’Aupa. (A.D.G.) – 20.03.2023
