E torne a vierzi la Cjase des paveis di Bordan

Daspò de polse invernâl, doprade par lâ indevant cui lavôrs di ampliament de struture, la Cjase des Paveis di Bordan e torne a vierzi al public di vinars ai 14. Lis sidreris tropicâls, popoladis di centenârs di paveis e di cetancj altris animâi, si podaran visitâ ogni dì, fint al mês di Otubar, des 10 di buinore fint aes 6 di dopomisdì (cun ultime jentrade aes 5). L’ampliament de struture, inviât di là di un an indaûr, al à puartât ae realizazion di une gnove ale che e ospitarà il MUFFFA, il Museu Entomologjic de Cjase des Paveis. I visitadôrs a podaran scuvierzi dôs esposizions inmagantis: une dedicade ai reperts plui spetacolârs des colezions e chê altre aes paveis dal Friûl-Vignesie Julie, screade l’an passât. In bande des mostris za viertis, la ufierte dal centri si inricjìs si che duncje, consolidant la Cjase des Paveis tant che la riproduzion plui grande di ambients tropicâi in Italie, di là de cjaminade intes sidreris, che al reste il pont di fuarce de visite cun passe 100 mil reperts. (A.I.) – 13.03.2025