Di Salisburc si rivarà fintremai a Grau in biciclete cence mai jessî fûr de piste. La Ciclovie Alpe Adria (FVG! In Italie, R3 in Austrie), di sabide ai 13 di Lui e sarà une bielissime realtât dopo agns di lavôrs. Di fat al sarà viert tacant di doman l’ultin toc tra Mueç e Vençon, fat in mancul di un an in graciis dai bêçs de Regjon, 1,5 milions di euros. Cun cheste spese si è rivâts a meti in sigurece i ultins 4,5 chilometris dal percors indulà che e jere la vecje ferade, sierade dal dut pôc prime de fin dal secul passât.
Di là dal disboscament e par netâ la vegjetazion, al è stât metût ju’ ancje il paviment dal spessôr di vot centimetris e larc 3,3 metris. Par di plui, la piste e je stade metude in sigurece cun parepets e stangjaçadis. Intes galariis e je ancje stade metude une iluminazion a led che si impie cuant che al passe cualchidun. (a.d.g.) – 12.07.2024
