Il Comant de Julia al vierç domenie lis sôs salis ae int par trê mostris

Al sarà pussibil visitâ domenie ai 13 di Avrîl la Sale cimelis de Brigade alpine Julia, dentri de caserme Di Prampero in vie S. Agostino 8 a Udin, sede dal comant de brigade.

Lis salis a restaran viertis des 9 di matine ae une dopomisdì, cun visitis vuidadis par grups di no plui di 20 personis ognidun. Pe ocasion si podarà visitâ ancje lis mostris temporaniis “Le fosse di Kirov”, le “Mostra fotografica sulla campagna di Russia” e lis “Opere del Maestro Giovanni Cavazzon”. (a.d.g.) – 08.04.2025