Il turisim in mont cui cambiaments climatics

“Cuâl turisim pe mont furlane?” e je la domande di partence des riflessions ospitadis a For Disore joibe ai 6 e vinars ai 7 pes Dolomitis Mountain School. La Ciasa dai Fornés e acetarà cualchidun dai plui impuartants esponents dal setôr par fâ vignî sù ispirazions e pinsîrs leâts a un teme di rimarc, di une bande pe rinassite dal turisim di prossimitât viodude intai ultins agns, di chel altri pal impat che i cambiaments climatics a son daûr a vê su lis Dolomitis e su la mont in gjenerâl. Tancj i intervents e i dibatiments di un percors viert a aministradôrs, tecnics, libars professioniscj, rapresentants di aziendis di promozion turistiche, associazions, operadôrs economics, students e aes personis interessadis ai teritoris des Dolomitis Unesco. (A.I.) – 05.10.2022