La citât di Udin e vierç lis toratis medievâls

Lis toratis medievâls di Udin si vierzin al public, che al varà la pussibilitât di imerzisi intal grant passât che al à marcât la citât, di scuvierzi i fats leâts ai protagoniscj de storie locâl e di viodi cuntune altre lûs doi dai lûcs plui plens di storie, cognossint lis vicendis che ju àn passâts, des distruzions ai restaurs. E aprofondint i aspiets plui curiôs e particolârs de vite in Friûl intal Tresinte. Joibe ai 3, in ocasion de Fieste de Patrie dal Friûl, des 3 dopomisdì si podarà visitâ la torate di puarte Vilalte e chê di puarte Aquilee, sede dal Consorzi pe difese dai cjistiei dal Friûl-Vignesie Julie. Di là des visitis vuidadis (par prenotazions: info@consorziocastelli.it.) a son previodûts diviers intervents par cure di esperts di storie medievâl. (A.I.) – 01.04.2025