La mont dal Friûl-Vignesie Julie si prepare a acetâ i turiscj dilunc des fiestis nadalinis cun implants vierts in ducj i pôi schiistics, animazions e ativitât. Di doman PromoTurismoFVG al à disponût gnovis viertiduris di implants di assension e pistis, che a si zontin a chês di za viertis intes ultimis setemanis.
For Disore: di doman al vierzarà dut il Varmost (duncje ancje lis pistis sieradis fin a vuê, Varmost1 in particolâr) e il Fantasy Park, intant che pal Davost, di là di cetant che za viert, al covente spietâ la evoluzion dal timp.
Sauris: di doman a Sauris di Parsore il skilift e la piste Richelan, di là dal Cjamp Scuele za operative; dai 24 di Dicembar al vierzarà il skilift a Sauris di Sot e il cjamp Scuele relatîf.
Plan dal Cjaval: di doman a vierzaran la teleferiche Tremol2 e la piste Nazionâl Alte; dai 26 di Dicembar vierte la piste Sauc Budoie.
Sapade: di sabide a vierzin lis 2 teleferichis dal 2000 e dal dì di Nadal al vierzarà Nevelandia.
Nevee: di sabide e vierç la assension par schi alpiniscj Gilberti-Prevala, al è viert l’anel di fonts a cuote alte e il martars a tornin a tacâ lis zornadis dedicadis al schialpinisim.
A Tarvis di doman si vierç dute la piste di Prampar e la teleferiche dal Agnul cun relativis cuatri pistis e colegament bas. A son vierts il parc zûcs, il bob su sine, l’anel di fonts de Arene Paruzzi e il circuit di fonts de Val Saisare.
Çoncolan: di doman dut viert gjavant la piste “Tamai 2”, cu la viertidure de piste “1” e chê di tornade a Ravasclêt. La gnove piste di schi di fonts dal Çoncolan lungje 2,2 chilometros, a cuote 1.750 metris al è acessibil par ducj i apassionâts di chest sport de teleferiche di Ravasclêt. (A.D.G.) – 22.12.2022
