La Palme soteranie e torne a vierzisi

Di sabide ai 9 di Novembar a tornin a vierzi al public lis galariis soteraniis di cuintrimine dal rivelin di Palme, sieradis par consintî ampliament e restaur. Intune cun chestis, al torne visitabil ancje il baluart Donato, un dai miôr conservâts de Fuartece. Il percors di visite al è stât dopleât di 250 a 500 metris, al è stât realizât un sisteme di drenament de aghe ploiane, ricualificât ad implen l’implant eletric e di iluminazion e e je stade restaurade la jentrade. Dongje de opare di recupar di chescj spazis e sarà fate la instalazion di esperiencis di visite interativis e apassionantis, pal moment ancjemò in fase di completament, cuntun sisteme di colonutis furnidis e cu la conession Wi-Fi. (A.I.) – 07.11.2024