Mangjâ ‘di strade’, a tornin i camionuts in Zardin grant

Al torne in Place Primo Maggio a Udin il “Street Food Truck Festival”, il prin e origjinâl festival itinerant in Italie, che dal 2014 al promôf lis miôr cusinis di cualitât su ruedis, par tancj fins de setemane ator pe penisule, dulà che i protagoniscj a son il mangjâ di strade, lis biris artesanâls, la musiche e il divertiment. I camionuts a coloraran e a profumaran il Zardin Grant di Udin pe decime edizion dal event, di vinars ai 28 al Prin di Mai, par un lunc week-end dedicât al miôr mangjâ di strade talian e internazionâl. La jentrade al festival e je libare e vierte a ducj, informazions e oraris su www.azalea.it. (A.I.) – 27.04.2023